کتاب پالیسۍ او مقررات
برخه 700 - زده کوونکي
عنوان پالیسی- د زده کوونکو د مدیریت او بدیلو پروګرامونو څانګه
کوډ 747
حالت فعال
تصویب شوۍ 23 جون، کال 2004
په وروستی ځل د بیاځلی کتلو نیټه 18 جولای, 2023
د بیاځلی کتلو پخوانی نیټی 27 مارچ، کال 2019; 4 مارچ، کال 2020; 19 نومبر، کال 2021
زده کوونکي
پالیسی نمبر 747
د زده کوونکو د مدیریت او بدیلو پروګرامونو څانګه
د پرنس ویلیم کاونټي ښوونځيو بورډ د زده کوونکو د مدیریت او بدیلو پروګرامونه څانګی (SMAPD) ته دا واک ورکوي چی د خوندي ښوونځي چاپیریال رامنځ ته کولو په موخه د ښوونځي څانګې هڅې پلي او همغږي کړی کوم چې د ښوونی او زده کړې لپاره مناسب وي. د SMAPD موخې په لاندې ډول دي:
- د زده کوونکو جدي انضباطی سرغړونی حل کول.
- د زده کړو بیلابیل فرصتونه وړاندي کول چې د وړکتون څخه تر دولسم ټولګیو او د زیات عمر لرونکي زده کوونکو بیلا بیلی اړتیاوې پوره کړي.
- د تعلیم لپاره خوندي چاپیریال ته وده ورکول چې د ښوونی او زده کړې لپاره مناسب وي او له تاوتریخوالي، شخړو، او غیر ضروري خنډونو څخه پاک وي.
- د یوې داسی پروسې له لارې د اوږد مهاله ځنډولو او اخراجولو شمیر کمول کوم چی لا زیات غیر دودیز او د زده کړي لپاره بدیل فرصتونه رامنځ ته کړي.
- د زده کوونکو د اوږدې مودې ځنډونې، اخراج، جلاوالی، او بیا شاملیدو لپاره د پلي کیدو وړ پروسې نظارت تر سره کول او د ښوونځي بورډ سره هر ډول اپیل (ایستناف) همغږي یا کوردینه کول.
- د عمومي یا عام تعلیم تر لاسه کوونکو زده کوونکو لپاره مناسب تعلیمي خدمات، پروګرامونه او ځای پرځای کونه مشخص کول څوک چې د SMAPD د ډسپلین پروسې تابع دي.
د زده کوونکو د خدماتو او د ثانوي زده کړو وروسته بریالیتوب لپاره ایسوسی ایټ سپرانټنډنټ (یا استازی) د دې پالیسۍ پلي کولو او ورڅخه د نظارت کولو مسؤلیت په غاړه لري.
دا پالیسی او اړوند مقررات باید لږ تر لږه په هرو پنځو کلونو کې بیاځلی وکتل شي او د اړتیا پر اساس دی پکی بدلون رامنځ ته شي.